पतंग उडविणारा मुलगा खाली पडल्याने गंभीर जखमी
जळगाव प्रतिनिधी I रामेशवर कॉलनी भागात आज सकाळी ११ वाजेच्या सुमारास घराच्या दुसर्या मजल्यावरून पतंग उडविणार्या ७ वर्षीय बालकाचा तोल जाऊन खाली पडल्याने गंभीर जखमी झाल्याची घटना घडली . जखमी मुलाला रॅम नगर येथील खासगी रुग्णालयात उपचारासाठी दाखल करण्यात आले आहे . श्लोक कैलास गिरगुणे असे जखमी झालेल्या मुलाचे नाव आहे.
याबाबत अधिक माहिती अशी कि, रामेश्वर कॉलनी परिसरात असणाऱ्या सिद्धिविनायक मंदिराजवळ श्लोक कैलास गिरगुणे हा मुलगा त्याच्या जुळ्या भावासोबत आज 14 जानेवारी रोजी सकाळी ११ वाजेच्या सुमारास दुसऱ्या मजल्यावरून पतंग उडवीत असताना त्याचा तोल गेल्याने तो खाली पडला. यावेळी तो गंभीर जखमी झाल्याने कुटुंबीयांनी जळगाव शहरातील रामनगर मध्ये असणाऱ्या सारा हॉस्पिटल येथे उपचारासाठी दाखल केले आहे.
