चोपडा : प्रतिनिधी
भाऊबीजनिमित्ताने बहिणीला घेवून भाऊ दुचाकीने जात होता. घरी पोहचण्यापुर्वीच चोपडा तालुक्यातील रेल मारुती मंदिराजवळ दुपारी दुचाकीला ट्रकने जोरदार धडक दिली. यात मामा व भाचीचा जागीच मृत्यू झाला. अपघातातील मृतांमध्ये सहा वर्षीय चिमुकलीचा समावेश आहे.
चोपड्याकडून धरणगावकडे जात असताना रेलच्या मारुती मंदिरासमोरील नागमोडी वळणावर दुचाकीला समोरून येणारा ट्रकने जोरदार धडक दिली. या अपघातात एक सहा वर्षीय विधी कोळी या चिमुकलीचा जागीच मृत्यू झाला. तर दुचाकी चालक आबा कोळी (रा. दहिदुले ता.धरणगाव) याचा देखील मृत्यू झाला. मयत हा बहिणीला घेऊन विरवाडे (ता. चोपडा) येथून घरी जात असताना सदर अपघात झाला.
महिला व दीड वर्षीय मुलगा जखमी
एक महिला गंभीर जखमी आहेत. तर दीड वर्षीय चिमुकला हा सुखरूप आहे. अपघाताची माहिती मिळतात चोपडा पोलिसांनी घटनास्थळी धाव घेत जखमींना चोपडा उपजिल्हा रुग्णालयात दाखल केले. या अपघातामुळे दुतर्फा वाहतूकीची कोंडी झाली होती. सपोनि संतोष चव्हाण, पोहेकॉ प्रदीप राजपूत, पोहेकॉ जितेंद्र चव्हाण, पोकॉ प्रमोद पवार, पोना हेमत कोळी कर्मचारी जात पुढील कार्यवाही सुरु केली होती.