जळगाव – शासनाच्या निर्णयानुसार प्रत्येक घरकुलासाठी प्रोत्साहीत दराने ५ ब्रास वाळू उपलब्ध करून देण्यात येणार आहे. त्यानुसार जिल्ह्यातील १ लाख ब्रास वाळू साठा घरकुलांसाठी उपलब्ध करण्यात आला आहे. लाभार्थ्यांना या योजनेचा लाभ घेण्यासाठी अधिकाऱ्यांनी वेळेत मार्गदर्शन करावे, अशा सूचना जिल्हाधिकाऱ्यांनी दिल्या.
यावेळी अपर जिल्हाधिकारी अंकुर रा. पिंपळे, निवासीय उपजिल्हाधिकारी सुभाष पाटील, तहसीलदार अर्चना मुळे आदी उपस्थित होते. लाभार्थ्यांनी वाळूचा साठा मोबाईल क्रमांक आणि आधारशी संलग्न करून आरक्षित करता येणार आहे. संबंधित यंत्रणांनी तत्काळ कार्यवाही करावी, असे आदेश जिल्हाधिकाऱ्यांनी दिले.
‘जलदूत’ ही मोहीम सुरू
जिल्ह्यातील भूजल पातळी मोजण्यासाठी ‘जलदूत’ ही केंद्र पुरस्कृत योजना राबवली जात आहे. यामध्ये सर्व १५ तालुक्यांतील २७० गावांतील नळपाणी योजनांच्या ठिकाणी भूजल मोजणी केली जाईल. ही मोजणी दर महिन्याला करण्यात येणार आहे.
‘बायपास’ जुनमध्ये सेवेचे शुभारंभ
राष्ट्रीय महामार्ग प्राधिकरणाने नागपूरचे विभागीय अधिकारी यांच्या प्रमुख उपस्थितीत झालेल्या बैठकीत बायपासचे काम जुनमध्ये पूर्ण होणार असल्याची माहिती दिली आहे. त्यानंतर बायपास सेवा खुली होणार आहे. स्थानिक वाहनचालकांनी याचा लाभ घ्यावा, असे आवाहन करण्यात आले आहे.
