दिव्यसार्थी न्यूज नेटवर्क | ओबेन इलेक्ट्रिकने (Oben Electric) आपलं पाहिलं प्रॉडक्ट, रोर इलेक्ट्रिक (Rorr electric) मोटरसायकल, रु. 99,999 मध्ये (एक्स-शोरूम पोस्ट FAME-II सबसिडी) लाँच केली आहे. सध्या या इलेक्ट्रिक टू-व्हीलर कंपनीचे हे नवीन मॉडेल सध्या फक्त बंगळुरूमध्ये उपलब्ध आहे परंतु या नवीन Roar इलेक्ट्रिक मोटरसायकलचे वितरण जुलै 2022 मध्ये संपूर्ण देशभरात सुरू होणार आहे.
नवीन ओबेन रोर इलेक्ट्रिक मोटरसायकलला स्टाइलिंग राउंड हेडलाइट, एलईडी टर्न इंडिकेटर, एक मोठा इन्स्ट्रुमेंट क्लस्टर, स्प्लिट-स्टाईल सीट्स, टू-पीस पिलियन ग्रॅबरेल्स आणि पाच-स्पोक अलॉय व्हील्स मिळतात. ही Oben इलेक्ट्रिक मोटरसायकल 100 kmph च्या टॉप स्पीडसह येत आहे. आणि पूर्ण चार्ज केल्यावर 200 kmph ची IDC प्रमाणित रेंज देते.
सस्पेंशन टास्क हाताळण्यासाठी नवीन Roar मध्ये टेलिस्कोपिक फ्रंट फोर्क्स आणि मागील मोनो-शॉक मिळतात. ब्रेकिंग सेटअपमध्ये दोन्ही चाकांवर सिंगल डिस्क समाविष्ट आहेत, तर सेफ्टी नेट मध्ये कंबाइंड ब्रेकिंग सिस्टम देखील प्रदान केले आहे.
ओबेन ईव्हीचा (Oben Electric) दावा आहे की, हीलेटेस्ट इलेक्ट्रिक मोटरसायकल पूर्णपणे भारतात बनविली गेली आहे आणि त्यात एरोडायनॅमिक डिझाइन आहे. या मोटरसायकलमध्ये जोडलेले तंत्रज्ञान आणि सर्व-डिजिटल इन्स्ट्रुमेंट क्लस्टर असल्याचा दावा करण्यात आला आहे.
Oben Rorr मध्ये 4.4kWh बॅटरी :-
ओबेन रोर इलेक्ट्रिक मोटरसायकलला पॉवर देण्यासाठी, 4.4kWh लिथियम-आयन बॅटरी पॅक देण्यात आला आहे, ज्यामध्ये 10kW इलेक्ट्रिक मोटर्स देण्यात आल्या आहेत. ही पॉवरट्रेन 62 Nm चा पीक टॉर्क निर्माण करू शकते. या प्रॉडक्ट शिवाय दर 6 महिन्यांनी नवीन प्रॉडक्ट लाँच करण्याचे कंपनीचे उद्दिष्ट आहे.
फक्त 3 सेकंदात स्पीड 40 KM :-
ही इलेक्ट्रिक मोटरसायकल 3 सेकंदात 0-40 किमीचा वेग गाठते. या हायस्पीड इलेक्ट्रिक मोटरसायकलचा टॉप स्पीड 100 KM प्रतितास असल्याचा दावा करण्यात आला आहे. यात इको, सिटी आणि हॅवॉक असे तीन राइडिंग मोड आहेत. या मोटरसायकलची बॅटरी अवघ्या 2 तासात पूर्ण चार्ज होते. परंतु ही इलेक्ट्रिक मोटरसायकल मिळवण्यासाठी तुम्हाला 2 ते 3 महिने वाट पाहावी लागणार आहे.
ही मोटरसायकल रिव्हॉल्ट RV 400 शी स्पर्धा करेल. ज्याचा ड्रायव्हिंग आणि लूक अनेकांना आवडला आहे. त्याची किंमत 1.24 लाख रुपये (Ex-showroom) आहे.
