DIVYASARTHI NEWS
Just another WordPress site

‘महाभारतातील भीमाची झालीये वाईट अवस्था, पोट भरण्यासाठी सरकारकडे केली ‘ही’ मागणी

दिव्यसार्थी न्यूज नेटवर्क | तुम्हाला दूरदर्शनची ‘महाभारत’ ही लोकप्रिय मालिका आठवत असेलच. सुमारे ३० वर्षांपूर्वी ही मालिका पाहण्यासाठी प्रत्येक घरात, चौकात, गल्ली-बोळात गर्दी व्हायची. गेल्या वर्षीही हा कार्यक्रम लॉकडाऊनमध्ये खूप पाहिला गेला होता आणि आजच्या प्रेक्षकांनाही तो खूप आवडला होता. त्यातल्या पात्रांची पुन्हा चर्चा होऊ लागली.

‘महाभारत’ आठवले की ‘गदाधारी भीमा’चा चेहरा डोळ्यासमोर येतो. हे पात्र प्रवीण कुमार सोबती यांनी साकारले होते, ज्यांची उंची 6 फुटांपेक्षा जास्त आहे. त्यांनी केवळ अभिनयाच्या दुनियेतच नाही, तर क्रीडा क्षेत्रातही यश मिळवले, पण आयुष्याचा हा अद्भुत प्रवास करणाऱ्या ७६ वर्षीय प्रवीणला आता पेन्शनची गरज आहे.

खेळाच्या मैदानातही प्रवीणकुमार सोबती यांना तोड नव्हती. ऑलिम्पिक, त्यानंतर आशियाई, राष्ट्रकुल अशी अनेक सुवर्ण, रौप्य पदके जिंकणाऱ्या प्रवीणला १९६७ मध्ये सर्वोच्च क्रीडा पुरस्कार ‘अर्जुन पुरस्कार’ प्रदान करण्यात आला. प्रवीण कुमार सोबती यांनी सांगितले की, कोरोनाने सर्व नातेसंबंध उघड केले. सगळी नाती पोकळ असतात. या कठीण प्रसंगी साथ देणे तर लांबच पण आपलेही पळून जातात.

ते म्हणाले, ‘मी ७६ वर्षांचा झालो आहे. मी बराच वेळ घरी आहे. तब्येत ठीक नसते. खाण्यातही अनेक प्रकारे वर्ज्य करावे लागते. मणक्याची समस्या आहे. पत्नी वीणा घर सांभाळते. एका मुलीचे मुंबईत लग्न झाले आहे. त्यावेळी भीमाला सर्वजण ओळखत होते, पण आता सर्वजण विसरले आहेत.

प्रवीणा कुमार सोबती हे पंजाबमधील अमृतसरजवळील सरहाली नावाच्या गावातील आहेत. त्यांचा जन्म ६ सप्टेंबर १९४६ रोजी झाला. लहानपणापासून आईच्या हातून दूध, दही, देशी तूप असा जड आहार मिळाला आणि अंगही भक्कम झाले . ज्या गिरणीत त्यांची आई धान्य दळायची, प्रवीण तेच उचलून कसरत करायचे. शाळेत त्यांची बॉडी पाहिल्यावर मुख्याध्यापकांनी त्यांना खेळात पाठवायला सुरुवात केली. ते प्रत्येक स्पर्धा जिंकू लागले.

१९६६ च्या राष्ट्रकुल क्रीडा स्पर्धेसाठी डिस्कस थ्रोसाठी त्यांचे नाव आले. किंग्स्टन, जमैका येथे या खेळांचे आयोजन करण्यात आले होते आणि त्यांनी त्यात रौप्य पदक जिंकले. १९६६ आणि १९७० च्या आशियाई खेळ, जे बँकॉक येथे झाले. दोन्ही वेळा सुवर्णपदक जिंकून ते परतले. आशियाई क्रीडा स्पर्धेत ५६.७६ मीटर अंतरावर डिस्कस फेकण्याचा त्यांचा विक्रम आहे. यानंतर, पुढील आशियाई क्रीडा स्पर्धा १९७४ मध्ये तेहरान, इराण येथे पार पडल्या, ज्यामध्ये त्यांना रौप्य पदक मिळाले. करिअर उत्तम चालले होते, मग अचानक पाठदुखीची तक्रार आली.

बातमी शेअर करा !

Leave A Reply

Your email address will not be published.