बचनपन का प्यार’मुळे अभिनेत्री अनुष्का शर्माची उडाली झोप
मुंबई: सोशल मीडियावर कधी कुणाचे भरभरून कौतुक होईल आणि कधी कुणाला वाईट पद्धतीने ट्रोल केले जाईल, याचा काहीच भरोसा नाही. आता हेच बघा ना सोशल मीडियावर गेल्या काही दिवसांपासून छत्तीसगडमधील सहदेव दिर्दो या मुलाने गायलेले ‘बचपन का प्यार’ या गाण्याचा व्हिडिओ सोशल मीडियावर खूपच व्हायरल झाले आहे. हा व्हिडिओ पाहिल्यानंतर तर अभिनेत्री अनुष्का शर्मा ची झोपच उडाली आहे. तशा आशयाची पोस्टही तिने इन्स्टाग्राम स्टोरीवर पोस्ट केली आहे.
‘बचपन का प्यार’ हे सहदेवने गाणं गायले आहे. त्याच्या गाण्याचा व्हिडिओ सोशल मीडियावर खूपच व्हायरल झाला आहे. अनेक सेलिब्रिटींनी हा व्हिडिओ शेअर केला. हा व्हिडिओ पाहिल्यावर अनुष्काने तिच्या इन्स्टा स्टोरीवर या व्हिडिओसंदर्भातील एक मजेशीर मीम शेअर केले आहे. यामध्ये दिसते की, एक व्यक्ती रात्री झोपण्याचा प्रयत्न करत असतानाच त्याच्या डोक्यात सहदेवने गायलेले ‘बचपन का प्यार’ हे गाणे फिरायला लागते त्यामुळे त्याला झोप लागत नाही. या मीमसोबत अनुष्काने दोन-तीन स्माईली देखील शेअर केला आहे.
![](https://edivyasarthi.com/wp-content/uploads/2021/10/GRF-Ad-100X100-mm-pdf.png)
व्हायरल झालेल्या ‘बचपन का प्यार’ हा व्हिडिओ सहदेवच्या शाळेतील शिक्षकांनी काढला आहे. २०१९ मध्ये हा व्हिडिओ केला होता. या व्हिडिओमध्ये शाळेचा निळ्या रंगाचा गणवेश घातलेला सहदेव कॅमेऱ्याकडे पाहून गाणे गाताना दिसत आहे. हा व्हिडिओ इतका व्हायरल झाला की गायक बादशहाने त्याचे रीमिक्स व्हर्जन शेअर केले आहे. तसेच बादशाहाने व्हिडिओ कॉलद्वारे सहदेवसोबत संवाद साधला. त्यावेळी त्याने सहदेवला चंदीगडलादेखील बोलावले. बादशहा आणि सहदेव मिळून गाणे रेकॉर्ड करणार असल्याचे म्हटले जात आहे. इतकेच नाही तर छत्तीसगढचे मुख्यमंत्री भूपेश बघेल यांनी देखील सहदेवचे कौतुक केले आहे.