एसडी-सीडतर्फे शुक्रवारी शिष्यवृत्तीचे वितरण
अभिनेते सचिन-सुप्रिया पिळगावकरांची प्रकट मुलाखत : अभिनेत्या दीप्ती भागवत यांची विशेष उपस्थिती
सचिन पिळगावकर यांचे वैशिष्ट्य म्हणजे ते एक अष्टपैलू व्यक्तिमत्त्व आहेत, ज्यांनी अभिनेता, दिग्दर्शक आणि निर्माता म्हणून मराठी आणि हिंदी चित्रपटसृष्टीत महत्त्वपूर्ण योगदान दिले आहे. बालकलाकार म्हणून कारकिर्दीची सुरुवात करून, त्यांनी ‘महागुरु’ म्हणून ओळख मिळवली आहे, कारण ते अनेक भूमिकांमध्ये यशस्वी ठरले आहेत आणि सतत नवनवीन तंत्रज्ञान आत्मसात करण्याचा प्रयत्न करतात. त्यांच्या व्यक्तिमत्त्वाचे एक खास वैशिष्ट्य म्हणजे त्यांची मराठी मातृभाषा असतानाही, ते उर्दूच्या मधुरतेत विचार करतात आपल्या अमोघ वत्कृत्वातून उज्ज्वल भवितव्य घडविण्यासाठी प्रेरणादायी, अद्भूत आणि करिअरला नवीन दिशा देण्याचा जीवन प्रवासाचा पट त्यांच्या मुलाखतीमधून उलगडणार आहे. हे मार्गदर्शन मुले व तरुणांसोबतच मोठी स्वप्ने पाहणाऱ्या सर्वांसाठीच अतिशय मोलाचे ठरणार असल्याची श्री. जैन यांनी सांगितले. विद्यार्थांना यशाचा महामंत्र देणाऱ्या ह्या कार्यकमाला सर्वांनी उपस्थित रहावे. त्यांचा जीवन प्रवास व करिअरला दिशादर्शक असे मार्गदर्शन विद्यार्थ्यांना नक्कीच प्रेरणादायी ठरणार आहे. शिष्यवृत्ती प्राप्त विद्यार्थी, पालक, शिक्षक व प्राध्यापक, विद्यार्थी चळवळीशी संबंधित शिक्षणप्रेमींनी या सोहळ्यास उपस्थित राहावे, असे आवाहन एसडी-सीड अध्यक्षा रत्नाभाभी जैन, कार्याध्यक्षा मीनाक्षी जैन, गव्हर्निग बोर्ड चेअरमन डॉ. प्रसन्नकुमार रेदासनी यांनी केले आहे.
जिल्ह्यातील हजारो विद्यार्थ्यांना दिलासा
गुणवंत विद्यार्थ्यांना शैक्षणिक आणि उद्योजकीय पातळीवर सक्षम बनवण्याच्या उद्देशाने राबवण्यात येणाऱ्या एसडी-सीड या शिष्यवृत्ती योजनेने यंदा 18 वर्षांचा यशस्वी प्रवास पूर्ण केला आहे. ज्येष्ठ समाजसेवक सुरेशदादा जैन यांच्या प्रेरणेने सुरू झालेली ही योजना आज जळगाव जिल्ह्यातील सर्व जात, धर्म आणि घटकांतील विद्यार्थ्यांसाठी एक मजबूत आधार ठरली आहे. योजनेचा सामाजिक परिणाम उल्लेखनीय असून, गेल्या 18 वर्षांत 15 हजार 500 शिष्यवृत्ती प्रदान करण्यात आली. 3 हजार 800 उच्चशिक्षण पूर्ण करण्यात आले. 125 विद्यार्थी दत्तक, 24 विद्यार्थ्यांना इंटर्नशिप, तसेच 138 शैक्षणिक करार करण्यात आले आहेत. याशिवाय 49 हजार 427 विद्यार्थी प्रशिक्षित, 3 हजार 215 युवतींचे सशक्तीकरण, 600 विद्यार्थ्यांना उद्योजकता विकास मार्गदर्शन, 288 जणांना करिअर मार्गदर्शन आणि 373 विद्यार्थ्यांना मेंटरद्वारे मार्गदर्शन करण्यात आले आहे. एसडी-सीड योजना ग्रामीण आणि शहरी भागातील विद्यार्थ्यांसाठी नवीन संधीचे दार खुले करत असून, उच्च शिक्षण तसेच करिअर घडवण्यास मोठे योगदान देत आहे. योजनेच्या 18 वर्षांच्या कार्यकाळात निर्माण झालेला सकारात्मक बदल समाजातील सर्व घटकांना प्रेरणादायी ठरत आहे.
अद्वितीय सचिन पिळगावकर
अभिनेते सचिन पिळगावकर हे मराठी आणि हिंदी चित्रपटसृष्टीतील एक बहुगुणी, लोकप्रिय आणि ज्येष्ठ कलाकार आहेत. ते अभिनेता, दिग्दर्शक, निर्माते, लेखक तसेच नृत्यदिग्दर्शक या अनेक भूमिकांमध्ये यशस्वी झाले आहेत. बालकलाकार म्हणून कारकिर्द सुरू केल्यानंतर त्यांनी लवकरच आपल्या अद्वितीय अभिनयाने प्रेक्षकांची मने जिंकली. मराठी चित्रपट, नाटक, मालिका तसेच हिंदी चित्रपट अशा सर्व माध्यमांमध्ये त्यांनी लक्षवेधी कामगिरी केली आहे. ‘बालपणाचा बापडा’, ‘गोलमाल’, ‘गंमत-जंमत’ यासारख्या चित्रपटांमधील भूमिका आणि ‘तू तू मैं मैं’ या हिंदी मालिकेतील विनोदी अभिनयामुळे ते सर्वत्र प्रसिद्ध झाले. दिग्दर्शक म्हणून ‘रावसाहेब’, ‘अशी ही बनवाबनवी’, ‘तू तू मैं मैं’ इत्यादी कामांनी त्यांची कला अधिक वृद्धिंगत केली. कलाक्षेत्रातील योगदान, साधेपणा आणि सतत नवनव्या प्रयोगांची तयारी यामुळे सचिन पिळगावकर हे मराठी चित्रपटसृष्टीतील एक महत्त्वाचे व्यक्तिमत्त्व मानले जाते.
