मुंबई | रिझर्व्ह बँक ऑफ इंडिया (RBI) ने कायदेशीर अधिकारी ग्रेड-बी, व्यवस्थापक, सहाय्यक व्यवस्थापक आदी पदांच्या भरतीसाठी अधिकृत अधिसूचना जारी केली आहे. या भरतीसाठीची ऑनलाइन अर्ज प्रक्रिया शनिवार (दि. ७ फेब्रुवारी) पासून सुरू झाली असून, इच्छुक व पात्र उमेदवारांना २६ फेब्रुवारी २०२६ पर्यंत अर्ज करता येणार आहे.
पात्रता काय?
अर्जदार उमेदवारांकडे मान्यताप्राप्त विद्यापीठातून पदवीधर पदवी असणे आवश्यक आहे. उमेदवारांचे किमान वय २१ ते २५ वर्षे दरम्यान असावे, तर पदानुसार कमाल वयोमर्यादा ३०, ३५ किंवा ४० वर्षे निश्चित करण्यात आली आहे. राखीव प्रवर्गातील उमेदवारांना शासनाच्या नियमानुसार वयोमर्यादेत सूट देण्यात येणार आहे.
अर्ज शुल्क (ऑनलाइन)
RBI भरतीसाठी अर्ज करताना उमेदवारांना ऑनलाइन शुल्क भरावे लागणार आहे. अनुसूचित जाती (SC), अनुसूचित जमाती (ST) व दिव्यांग उमेदवारांसाठी अर्ज शुल्क ₹१०० असून, सामान्य व इतर प्रवर्गातील उमेदवारांसाठी ₹६०० शुल्क आकारण्यात आले आहे.
प्रारंभिक वेतन
निवड झालेल्या उमेदवारांना ग्रेड-बी स्तरावरील पदांसाठी दरमहा सुमारे ₹५५,००० इतका प्रारंभिक पगार मिळणार आहे. यासोबतच महागाई भत्ता, घरभाडे भत्ता, वैद्यकीय सुविधा तसेच इतर शासकीय लाभ देण्यात येणार आहेत. अनुभव व पदानुसार वेतनात कालांतराने वाढ होईल.
अर्ज कसा कराल?
अर्ज करण्यासाठी उमेदवारांनी RBI च्या अधिकृत संकेतस्थळाला www.rbi.org.in भेट द्यावी. त्यानंतर ‘Recruitment’ किंवा ‘Careers’ विभागात जाऊन RBI Recruitment 2026 या लिंकवर क्लिक करावे. अर्ज फॉर्ममधील सर्व माहिती अचूक भरून आवश्यक कागदपत्रे अपलोड करावीत व अर्ज शुल्क भरावे. अर्ज सादर केल्यानंतर त्याची प्रिंटआउट भविष्यासाठी सुरक्षित ठेवावी.
