हॉकीमध्ये सुवर्णपदक मिळवल्याबद्दल जळगाव हॉकी खेळाडूंचा जल्लोष
जळगाव ;– एशियन गेम मध्ये भारताने 14 वर्षानंतर हॉकीमध्ये सुवर्णपदक मिळवल्याबद्दल तसेच प्रथमता शंभर पदकाच्या वर कमाई केल्याने शिवछत्रपती शिवाजी महाराज क्रीडा संकुलावर हॉकी जळगाव तर्फे जल्लोष करण्यात आला व पेढे वाटप करून आनंद साजरा केला.
खेळाडूंनी तिरंगा घेऊन स्टेडियमला संपूर्ण राऊंड मारले तर लहान खेळाडूंनी सुद्धा तिरंगा घेऊन चक दे इंडिया म्हणत सर्व भारतीय खेळाडूंचे अभिनंदन व स्वागत केले.
हॉकी जळगाव चे सचिव फारूक शेख, हॉकी महाराष्ट्राच्या उपाध्यक्ष डॉक्टर प्राध्यापक अनिता कोल्हे, शिवछत्रपती पुरस्कार प्राप्त डॉक्टर प्रदीप तळवलकर व किशोर चौधरी तसेच ध्यानचंद अकॅडमीचे सत्यनारायण पवार, हॉकीची राष्ट्रीय खेळाडू तथा क्रीडा शिक्षिका वर्षा सोनवणे यांच्या मार्गदर्शनाखाली हा जल्लोष सोहळा पार पडला.
खेळाडूंची होती खास उपस्थिती
![](https://edivyasarthi.com/wp-content/uploads/2021/10/GRF-Ad-100X100-mm-pdf.png)
सरला अस्वार, गायत्री अस्वार ,रूपाली अस्वार, आरती ढगे, निकिता पवार, विद्या खरोटे, रोहिणी सुतार, खुषी श्रीवास्तव, उमा जाधव, उर्मिला पाटील.आदी खेळाडू उपस्थित होते.