DIVYASARTHI NEWS
Just another WordPress site

मनपातील भाजपाचे चार नगरसेवक अपात्र

जळगाव –  महापालिकेतील भारतीय जनता पक्षाचे तसेच मंत्री गिरीश महाजन यांचे समर्थक चार नगरसेवक अपात्र करण्याचा निर्णय जळगाव जिल्हा न्यायालयाने दाखल याचिकेवर दिला. त्यामुळे ऐन निवडणूकीच्या तोंडावर भाजपाला मोठा दणका बसल्याची चर्चा राजकीय वर्तुळात रंगू लागली आहे.

जळगाव महापालिकेतील बहुचर्चेतील घरकुल घोटाळा प्रकरणी नगरसेवकांना शिक्षा झाली होती. यातील शिक्षा झालेल्या नगरसेवकांच्या विरोधात उद्धव ठाकरे गटाचे नगरसेवक प्रशांत नाईक यांनी जळगाव जिल्हा न्यायालयात घरकुल घोटाळ्यातील शिक्षा झालेल्या नगरसेवकांवर अपात्रतेची कारवाई करावी याबाबत जिल्हा न्यायालयात याचिका दाखल होती. याप्रकरणी जिल्हा न्यायालयाने गुरुवारी (दि.१३) निकाल देत पाचपैकी चार नगरसवेकांना अपात्र ठरवले आहे. याचिकाकर्तेकडून ॲड. सुधीर कुलकर्णी यांनी काम पाहिले.

 

तीन वर्षांपासून सुरू होता पाठपुरावा

जळगाव महानगरपालिकेतील पाच नगरसेवकांविरुद्ध जळगाव जिल्हा न्यायालयामध्ये गेल्या तीन वर्षांपूर्वी दाद मागितली होती. न्यायदेवतेवर विश्वास असल्यामुळे गुरुवारी (दि.१३) न्यायालयाने निकाल दिला आहे. पाच नगरसेवकांपैकी दत्तू कोळी यांच्या शिक्षेला स्थगिती असल्यामुळे इतर चार नगरसेवक लता भोईटे, भगत बालानी, कैलास सोनवणे, सदाशिवराव ढेकळे यांना न्यायालयाने अपात्र ठरवले आहे. घरकुल घोटाळ्यामध्ये न्यायालयाने नगरसेवकांना दोन वर्षापेक्षा जास्त शिक्षा सुनावली होती. त्यामुळे ते नगरसेवक राहण्यास अपात्र होते. न्यायालयात अपात्र झाल्याने इतर नगरसेवकांना देखील यातून बोध मिळेल अशी माहिती तक्रारदार नगरसेवक प्रशांत नाईक यांनी दिली.

बातमी शेअर करा !
Leave A Reply

Your email address will not be published.