लोहारा (ता. पाचोरा) – कौटुंबिक वादातून पत्नीचा खून झाल्याची धक्कादायक घटना शनिवारी (दि. 19 ऑगस्ट) मध्यरात्री घडली. नितीन दौलत शिंदे (वय 35) या व्यक्तीने दारूच्या नशेत पत्नी अर्चना उर्फ कविता (वय 32) हिच्यावर गाढ झोपेत असताना धारदार शस्त्राने वार करून हत्या केली.
पतीने स्वतःहून पोलिस ठाण्यात हजेरी लावत गुन्ह्याची कबुली दिली. पोलिसांनी मयत महिलेची सासू बेबीबाई शिंदे हिलाही ताब्यात घेतले आहे.
फिर्यादीची माहिती
मयत महिलेचा भाऊ आकाश सपकाळ याने दिलेल्या फिर्यादीनुसार, पती व सासू हे सतत बहिणीच्या चारित्र्यावर संशय घेत शिवीगाळ करत होते. तसेच माहेरकडून दहा लाख रुपये आणावेत, यासाठी वारंवार छळ केला जात होता. या छळाला कंटाळूनच अखेर महिलेचा खून झाल्याचे फिर्यादीत नमूद आहे.
तपास
-
पोलिसांनी खुनाचा गुन्हा नोंदवून तपास सुरू केला आहे.
-
घटनेच्या तपासासाठी पाचोरा विभागाचे उपविभागीय पोलीस अधिकारी अरुण आव्हाड यांनी घटनास्थळाला भेट दिली.
-
फॉरेन्सिक लॅबच्या पथकाने ठिकाणाचे नमुने गोळा केले.
कुटुंबावर आलेले संकट
मयत महिला सायंकाळीच माहेरहून घरी परतली होती. या घटनेत दाम्पत्याची दोन मुले – अकरा व बारा वर्षांचे भाऊ-बहिण – आईच्या छत्रछायेशिवाय झाली आहेत, तर वडिलांवर तुरुंगवासाची वेळ आली आहे.
